كمشه حكي
إذا صار عندنا عرس بنزمر
وإذا نجح عندنا واحد بالتوجيهي بنزمر
وقبل ما تفتح الإشارة الضوئية بثانية بنزمر
وبعدما تفتح كمان بنزمر
على الدوار..على الكوربة...عالنزلة والطلعة كله بنزمر
إذا طول علينا الشرطي وهو موقفنا على الدوار"من شان نذكره"بنزمر
أما إذا حد كسر علينا بالغلط أو بالقصد فأكيد بنزمر
ولو واحد ثاني قدامنا ماشي بيكزدر كمان بنزمر
إذا طالعين من شارع فرعي لرئيسي –بالليل أو بالنهار- بنزمر
أما إذا في واحد توقفت سيارته قدامنا عطلانه فمش مشكلتنا بنزمر
سواق الباص تاع المدرسة إذا تأخر حد من الطلاب الصبح بكير بيزمر
وفلان إذا جاي يوخذ صاحبه بدل ما ينزل يناديه...بيزمر أحسن
واذا شفنا ابو فلان او ابو علنتان بالشارع وحبينا نقوله مرحبا...فأكيد بنزمر
ويا ويلو اللي بدو يقرر يخفف السرعة ليمرر أحد المشاه...فكل اللي وراه بيزمروا
وإذا عجبتنا بنت بالشارع بنزمر
وطبعا اذا فاز المنتخب بنزمر
واذا فاز واحد والا وحده معجبيتنا بسوبر ستار او ستار أكاديمي فبنطلع نزمر
لا أظن أنها ظاهره أليس كذلك
ولكن المفارقة يا إخوان هو إنه اذا ارتفعت الأسعار"الوقود مثلا"وإذا
ارتفعت الضرائب...وإذا انخطفوا الشباب في العراق...وماتوا إخواننا في
فلسطين....
واذا زادت رواتب الكبار وبقيت على حالها رواتب الصغار...إذا زاد معدل البطالة مع وفود الكثير من العمالة...إذا حصل كل هذا وأكثر
العجيييييييييييييييييييييييييييييييييييييييب يا شباب إنه فجأة ما بيطلعلنا صوت
ليش يا ترى...ليش يا ترى...ليش يا ترى؟؟؟؟؟؟؟؟؟؟؟؟؟؟؟؟؟؟